Fakturasız nömrələrdə:

• Tarifin abunə haqqı ödənmədikdə və ya balansa yüklənən məbləğin son istifadə tarixi bitdikdə nömrə çıxan zənglər üçün birtərəfli bağlanır.
• Birtərəfli bağlanandan sonra 30 gün ərzində tarifin abunə haqqı ödənmədikdə və ya balans artırılmadığı təqdirdə nömrə ikitərəfli bağlanır.
• Nömrə ikitərəfli bağlanandan sonra 150 gün müddətində tarifin abunə haqqını ödəyərək və ya nömrənin balansını artıraraq nömrəni aktivləşdirmək mümkündür. 150 gün ərzində heç bir ödəniş həyata keçirilməsə, bu müddət bitəndə nömrə ləğv edilir və balansda olan məbləğ silinir. Daha sonra abunəçinin müraciəti əsasında məbləğin bərpa olunması mümkündür. Ləğv olunmuş nömrənin müvafiq xərcləri (bank komissiyaları, nağdlaşdırma xərci və s.) çıxıldıqdan sonra vəsait abunəçinin nömrəsində bərpa olunur.

Fakturalı nömrələrdə:

• İstifadə limiti nömrəyə yüklənmiş vəsaitin və nömrəyə təyin edilmiş limitin cəmidir. İstifadə limiti bitdikdə, nömrə çıxan zənglər üçün birtərəfli bağlanır.
• Cari ayın sonu nömrəyə ödəniş edilmədikdə faktura borcu yaranır. Faktura borcu növbəti 30 gün ərzində ödənmədikdə, nömrə çıxan zənglər üçün birtərəfli bağlanır.
• Birtərəfli bağlanandan sonra 60 gün ərzində balans artırılmadığı təqdirdə nömrə ikitərəfli bağlanır.
• Nömrə ikitərəfli bağlanandan sonra 90 gün müddətində nömrənin balansını artırmaqla nömrəni aktivləşdirmək mümkündür. 90 gün ərzində heç bir ödəniş həyata keçirilməsə, bu müddət bitəndə nömrə ləğv edilir. Ləğv edilmiş nömrədə yaranmış borc saxlanılır və bu borc abunəçi tərfindən ödənilməlidir.