Azərbaycanın İlk Mobil Operatoru Bakcell şirkəti Yeni İl ərəfəsində öz müştərilərini sevindirmək üçün “ALIB YOXLA! TAPIB TOPLA!” ani-stimullaşdırıcı lotereya keçirməsinə start vermişdi. Lotereyanın mükafat fondunu 100.000 hədiyyə təşkil edib. Əsas hədiyyə isə Mercedes-Benz C250 AMG idman paketli avtomobil idi. Lotereyanın  2011-ci ilin dekabrın 10-dan – 2012-ci ilin yanvarın 10-na kimi keçirilməsinə baxmayaraq avtomobili qazanmaq üçün toplanılan uduşlu kartların təqdim edilməsi fevralın 11-nə kimidir. Digər hədiyyələrin uduşlu kartları isə lotereyanın bitdiyi tarixdən etibarən 90 (doxsan) iş günü ərzində təqdim edilə bilər.  Diqqət! Hörmətli abunəçilər, lütfən, əlinizdə olan avtomobilin uduşlu kartlarını 2012-ci ilin fevralın 11-nə kimi təqdim edin. Bu tarixdən sonra avtomobilin uduşlu kartları qəbul edilməyəcək.