Bakcell şirkəti “Zəfər Günü”nə həsr olunmuş genişmiqyaslı kommunikasiya kampaniyasına start verib. Azərbaycanın İkinci Qarabağ müharibəsindəki şanlı Qələbəsinə həsr olunmuş kampaniya çərçivəsində hazırlanan video və audio materiallar sosial media, TV və radio kanallarda yayımlanır.

Zəfər Günü münasibətilə Bakcell şəbəkəsinin adı da “Zəfərimiz mübarək!” mesajı ilə əvəzlənib. Bakcell abunəçiləri öz telefonlarının ekranlarında həmin təbrik mesajını görürlər.

Bakcell şirkəti bütün Azərbaycan xalqını Zəfər Günü münasibətilə təbrik edir! Qarabağda bayrağımızı qaldıran Rəşadətli ordumuzun qəhrəman əsgər və zabitlərilə qürur duyur, Şəhidlərimizin ruhu qarşısında baş əyirik!